السلام عليكم
أخباركم
كلنا ياخواتي الغاليات من أول ماعرفنا بالحمل وعرفوا أمهاتنا وقريباتنا والنصائح تنهال علينا
عاد قلت خل أكتب لكم النصائح اللي جتني
وعاد مدري هل هي إلى نهاية الحمل بإذن الله وإلا بس الثلاث شهور الأولى
قالولي لا تمشين كثير
ولا تتحركين بسرعة
ولا ترقصين
ولا تلبسين كعب
ولا تلبسين بنطلون جينز >>> طبعا في بيتي عند زوجي لأن البنطلون يكون ضيق على الجنين
اللي فعلا إستغربتها الفلفل الأسود لا تأكلينه نهائيا
القرفة
الحبة السوداء والرشاد
وأكيد واضح ليش يقولون لاتأكلونها لأنها تنوكل أيام الدورة والنفاس
وأنا صراحة طبقت بعضها والبعض الثاني طنشته
اللي هو لبس البنطلون لأني ما أحسه صار ضيق إلا من فتره بس في البداية لا ما حسيت بضيق
يالله عاد كل كروشة تقولنا وش النصائح اللي جاتها من يوم حملت وهل طبقتيها
أتوقع الحريصات على التطبيق
هم البكريات مثلي لأنها أول تجربة لنا
الله يهون حملنا ويسهل ولادتنا آمين يارب العالمين
