صـــدك ياوطــــن باجـــــــر امان تصيــــر

صدك ياوطن باجر امان تصير
وهم نرجعلك ويلتم شملنا
وهم بدهوك السياحة تصير
وهم بالبصرة ناكل تمرنا
وهم بالكاظم الغربي بغداد
ينطينا مرادنا وندعي لأهلنا
وهم بالنجف يم ابو الحسنين
الشيعة والسنة نجتمع كلنا
وهم بالطبخ يوم عاشوراء
اخوي السني ياكل من طبخنا

تعبنا من فركتك والله والقراّن
ومن الغرب ياعراق خلص كلبنا
كل يوم نكول باجر امان يصير
وكل يوم نصبر وزايد املنا
مرة وحده فرحنا من الحرب لليوم
اسودك ياوطن شالوا علمنا
وشنهو الفائدة من ضحكتنا للناس
وانته شايل همك وهمنا
بروحي افديك يا ابو النهرين
يارفعة راسنا وعزنا وفخرنا

الامريكي نكس مانعتب عليه
واخوي العراقي يسلمهم يركبنا
ليش ياخوي مو احنه ولد عراق
تبيع اخوك الحفظ دينا وعرضنا
جا هذا شريف وابن اشراف
وجا رفض يهودي يدخل ارضنا
مانقبل بعد بينا هيج يصير
لو نعرف ياعراق نفديك بعمرنا
بس انته شامخ ياتاج الملايين
وتظل زعيم وتاج الامم ياوطنا

بس انته شامخ ياتاج الملايين
وتظل زعيم وتاج الامم ياوطنا