راحت سنين من عمري

راحت سنين سنين من عمري وشلون راحت اني ما ادري بس كول وين اكضيت هالمدة واجيت الحلو بهذا الزمن عده
لو من وكت استقبلك وانثر بقايا العمر الك لكن اني ما بيدي شي والثلج خضر فوك ايدي وانت يلسواد عيونك يعت روحي عت
واني بطرك كلبي وبقى من كلبي بت ارجوك خليلك مسافه مسافه ابينا مو شبر اكثر لانطيح اثنينا وصدكني ما خايف على نفسي عليك
انت بس تلمسني اذوب اذوب ابين ايديك ثلج وتلوحه الشمس وتدري اماره النفس تقربت خليك واكف ابمكانك وابتعد والله احسن اني بحنانك
لا لتجبرني اجرحك بالكلام وابتدي وياك صفحه من الخصام مو سهل انت عليه جرح عايش لسه بيه وما تطيب واني ما اريدك تطيب
ابقى ابين ضلوعي خنجر وان كان ما ترتاح افتر كطع شمدريد كطع واخذ كلشي ولا ترجع وبعثر بروحي واني خليني اجمع
لكن اترجاك تسمع كلمتي العمر مثل القطار وتظن ارجع فتي والمحطات انتهت مابيها راحه وخلي احاجيك بوضوح وكل صراحه
الناس الناس كلمن ملتهي وحاضن جراحه وانت جاي تكطع بعاكول صدري راحت سنين سنين من عمري وشلون راحت اني ما ادري